صـواحی گسفن همـرا شـونه ، چپون
گد کده کـــوره بــالا شــونه ، چپون
هـــوا ســـرده بچـــاهی تن هداهه
دپیت وشال و کـــلا شــونه ، چپون
دیــاره اسبـه سارخ دسه چــــو تن
دوسی نــون و پــلا شـــونه ، چپون
چمــر بیته ملـــه چپـــــونه ونگـه
ای دیمـه کـوه و صحرا شونه ، چپون
وره ره نــاز دنـــه شه کشه دارنــه
قـــدم رج زنـده ، ها ها شـونه چپون
نمـــاز خـــونه وه اون راسی تیناری
قبله ور ، دس به دعا شــونه ، چپون
خسه بیه ، تـو بیته ، تـن نخـــــاره
لب لبی دسه چـو جا شـونه ، چپون
للـه زنده چپـــــــون اشدونده بیشه
گلـی مس و نفس جا شـــونه ، چپون
نماشــونه ، بمــو چپـــــون دیــاره
خسه بیه ، ای فـــردا شــونه ، چپون
دس و لینگه یــــواش ای کشنه دس
درازه روزه وه را شــــــــونه چپــون
همش تن خسوهه چش مسه خـوهه
صواحـی ونگه طـلا شــــــونه چپون
طاهـری شعــر بساز ، چپونــه درده
بدونن دیمه صحــرا شــونه ، چپون